胡定欣在《衝上雲霄Ⅱ》中做代母的劇情引起不少爭議，但現實中的她卻接受做代母，又表示若果朋友有需要，她願意為好友兩肋插刀！

現實中的胡定欣願意為好友做代母，認真唔話得！

胡定欣表示唔心急結婚，除非意外懷孕。

胡定欣在《衝上雲霄Ⅱ》中做代母的劇情備受爭議。

在《衝上雲霄Ⅱ》中飾演CoCo的胡定欣，其中一段劇情講述她為好友做代母，惹來極大爭議。但對入行十年的定欣來說，飾演一個選擇放棄婚姻而為好友做代母的角色是應付自如的，她表示事前已做足準備工夫：「心理上都要說服自己接受做代母，其實外國都好普遍，仲係一門生意。（觀眾好多爭議？）咪好囉！都有好多男性朋友覺得冇問題，始終唔係通過性行為懷孕，當然亦有好多人有唔同反應，我覺得演CoCo呢個角色唔單止可以啟發大家去討論呢個議題，又可以感動觀眾，呢個正係演員最想得到嘅效果，所以我好享受！」

冇諗過做未婚媽媽

為了投入演出，定欣表示將現實中的一位好朋友代入Colby（趙希洛）的角色，又力撐她演的CoCo做法正確。對於觀眾指其行為愚蠢，定欣說：「可能佢哋未遇到一個真正嘅好朋友啫！但我有呀！我直頭將呢個朋友代入Colby度，其實呢個好朋友上年已經懷孕兼生埋BB，當佢知佢係Colby，仲要知我現實中肯為佢犧牲，佢真係好Surpise！（男友反應？）我冇問，佢只係讚我演得好，仲放咗我張泳衣相上微博以示支持！（有冇結婚計劃？）呢個階段（事業）只係啱啱撻着，唔係好捨得囉！不過男友都係工作狂，大家都唔急結緍，亦冇咩計劃，除非意外有BB啫！（接受做未婚媽媽？）冇諗過，但我個人都唔會死硬派Step By Step！」