名模Ana R.、陳嘉桓及「魔鬼胸」蔚雨芯早前首次合作拍廣告即反應理想，獲老闆娘大派五位數利是作獎勵，陳嘉桓更因此衝出香港擔任品牌的內地代言人，令Ana及蔚雨芯齊聲大讚她冇得頂！

樣子甜美的Rose被看中擔任品牌內地的代言人，令她非常開心。

Ana R.（右起）、Rainky及Rose（左）因廣告反應理想而收到老闆娘的大利是。

Rose特地向老闆娘Amy送上小禮物，認真識做！

陳嘉桓（Rose）、名模Ana R.及「魔鬼胸」蔚雨芯（Rainky）早前為健康纖體食品品牌行健堂的「1234」拍攝廣告，因反應理想而獲老闆娘Amy豪氣各派五位數利是作獎勵，Rose更識做地買了小禮物回禮，她直言看到反應理想即鬆一口氣︰「依家放鬆好多，因為反應咁好，好多謝老闆娘，希望有機會可原班人馬拍攝第二輯廣告。」被老闆娘Amy錫到燶的Rose，據知再被睇中擔任大中華區代言，進軍內地市場搵人仔，對此她說︰「依家仲傾緊，其實內地市場好大，能夠讓更多人認識我係好事，而且趁後生搵多啲錢嘛！」

望踩上天橋行騷

雖然Rose進一步擴展吸金版圖，不過Ana及Rainky未有因此眼紅對方，還對Rose擔任內地代言人充滿信心，Rainky說︰「呢樣係好事，我當然會支持Rose啦！佢人靚而且又高，我都畀佢吸引。」而Ana亦大讚Rose身形相當討好，又指雖與Rose及Rainky年齡相距一截，但三人沒有代溝，看到Rose事業更上一層樓感到開心，其後她笑言希望三人可踩上天橋行騷︰「我哋係好拍檔，我都試吓同佢哋一齊行騷，應該都會幾好玩！」