「魔鬼胸」蔚雨芯昨日出席寫真集祝捷會,年少氣盛的她在台上狂寸因情緒病退出娛樂圈的陳靜(DaDa),直言自己不會輕易言退!

身穿藍色裙的Rainky晒魔鬼胸,在台上玩啞鈴。

楊詩敏(左)拿着皮鞭鞭打Rainky,寓意鞭策她。

陳百祥和朱晨麗齊撐Rainky場。

蔚雨芯(Rainky)昨日在尖沙咀出席寫真集祝捷會,老闆陳百祥(阿叻)、狄易達、朱晨麗、龍小菌及麥玲玲撐場支持。身穿藍色長裙的Rainky例牌騷出魔鬼胸,擠出3吋事業線,十分養眼!年紀輕輕的她更突然在台上發表「不退宣言」,更暗寸傳因情緒病退出娛樂圈的DaDa:「我唔會突然封胸,唔會玩情緒病,唔會突然退出娛樂圈。」Rainky在台上舉啞鈴,又被楊詩敏拿着皮鞭鞭打寓意鞭策她,十分搞笑。

唔驚被指抽水

訪問時,Rainky被問到是否寸DaDa?她大方直認說:「係!其實唔止係佢,好多人經歷高低起跌就放棄,希望呢行嘅人唔好放棄,我唔驚人哋話我抽水,希望每個人加油!」問到Rainky是否要取代DaDa?她說:「嘩!唔敢頂替佢!佢咁靚女!大家路線唔同,我希望向歌影視發展。」同場的阿叻被問到亞視前日到政總請願,他說:「大家都知佢哋部分嘢幾騎呢,但不至於釘牌,犯錯罪不至死嘅,到咗2015年重新發牌,冇實力自然會淘汰啦!」而狄易達早前在微博狂插中央電視台,他說:「佢哋個騷要延期,但我撞咗舞台劇。(唔驚封殺你?)唔怕,佢哋未必睇到。」