晶晶於分娩前BB仍未轉頭，故最後選擇開刀分娩。婦產科醫生余啟文指一般孕婦穿羊水24小時後會開始催生，但仍要視乎其他因素：「例如媽媽陰道有冇受感染、BB情況等，冇限話穿羊水幾耐一定要生，但多數24小時後開始催生。」對於要否開刀，則視乎BB頭部位置，他表示BB出世前有兩種轉法，如果胎位不正便可能要開刀：「一種係頭向上，但機會低啲，另一種係BB面部嘅方向同媽媽盆骨方向唔夾。」他補充其他需要開刀情況：「上一胎開刀或者做過子宮手術；第二係子宮頸唔開；第三係BB心跳率低，驚佢焗親。」而BB比預產期遲出生，余醫生指沒有問題：「懷孕42周先叫過期，41周開始催生就少啲併發症。」