阿嬌獲大讚唱功進步及「雨過天青」，令她感動得兩度灑淚。

鍾欣桐（阿嬌）首張個人國語專輯《桐花》面世後反應熱烈，銷量一下子達雙白金數字，獲外界激讚唱功進步的阿嬌，出席新碟祝捷活動時兩度感動落淚，更稱幸得經理人不離不棄，否則早已放棄唱歌。

阿嬌獲大讚唱功進步及「雨過天青」，令她感動得兩度灑淚。

阿嬌首張個人國語專輯面世後反應熱烈，銷量衝破雙白金。

吳雨（左起）、阿嬌和Mani（右二）等齊齊祝酒。

鍾欣桐籌備多時的國語專輯《桐花》推出後叫好叫座，短短日子銷量已衝破雙白金，英皇唱片公司特地在昨日為她舉行新碟祝捷會，以一襲鮮紅背心配黑色長裙現身活動的阿嬌獲頒雙白金唱片，又得經理人霍汶希（Mani）大讚唱功，令阿嬌感動得即時淚灑當場，要擰轉背拭淚。

公司高層吳雨亦借活動場地的名稱鼓勵阿嬌：「阿嬌好啱『天澄閣』呢度，因為佢會雨過天青，曾經失去好多，但將會攞番更多。」此話一出，剛抹乾眼淚的阿嬌再度眼濕濕。

多謝Mani不離不棄

在活動上兩度落淚的阿嬌自言從沒想過首張國語專輯取得如此好成績，對於吳雨以雨過天青來形容，她說：「我會好努力，今次專輯成績好滿意，我會畀自己95分。」她又透露跟過氣緋聞男友吳克羣合唱的國語歌取得好成績後，才有出國語碟的想法：「我承認以前唱歌唔好，會畀好多壓力自己，又唔識表達、唔合群，而且介意人點講，統統會影響上台表演情緒同狀態。」

直到今次專輯內的唱功獲網民激讚，阿嬌覺得感動之餘又說：「之前喺內地拍劇又做碟，一直冇時間學唱歌，曾經都覺得自己唱歌差，諗過索性叫Mani畀我拍戲算，好彩Mani冇放棄我。」