朱茵情書送B女爆Paul烏龍事

朱茵推出首本散文集《6磅10安士》，親筆剖白嫁作人妻及初為人母的心路歷程，而老公黃貫中（Paul）為現時8個月大的愛女黃鶯（叉燒包）拍照。朱茵昨日接受電話訪問時，形容新書是「送給囡囡的情書」：「我係邊湊女邊寫書，過程都幾辛苦，但愈寫愈順，老公推出咗兩本書，畀咗好多意見我，最難係喺萬幾張相中揀精粹相。」她又指有叉燒包的出浴照，怕太私人不便公開，書中亦提及Paul初為人父的「烏龍事」，朱茵自言入院生BB時，Paul緊張到失魂，誤將雪櫃當保險箱，把銀包放進冰格。問到可會推出延續篇？她指會因應銷情考慮，而周六將會舉行見面會。