「Cool魔」張智霖去到新加坡繼續Chok無敵，更獲同劇鄧梓峰力撐發音冇問題。

劇中型爆機長張智霖被指於劇中講英語時將「Three」讀成「Tree」，他在微博留言：「You better ask a professional pilot why is 'tree'（你最好問專業機師為何會讀'tree'）」對此，同劇演員兼擁有小型飛機師牌的鄧梓峰接受本報訪問時，指Chilam沒有讀錯：「佢咁講係想清楚啲，唔係英文差，因為講數字時怕講錯，但就冇規定嘅，呢啲係個人發音。」他又舉例駕駛飛機時，有規定要求將「nine（9）」讀成「nine na」。

「Cool魔」張智霖去到新加坡繼續Chok無敵，更獲同劇鄧梓峰力撐發音冇問題。

鄧梓峰

而前華姐冠軍岑麗香於劇中飾演空姐，其英語對白獲讚「Lak Lak」聲，相反曾因一句「賣飛佛」成笑料的吳卓羲，今次於《衝II》與馬國明講普通話「鬥爛」，被網友抽水指吳卓羲的普通話多年來未見進步，而另一飾演空姐的孫慧雪亦被踩英文講得差。