壓軸出場的鎮宇，行紅地氈時不慎踢爆燈泡。

吳鎮宇、胡定欣、馬國明及朱晨麗等昨日宣傳新劇，被眾女演員性感打扮所吸引的鎮宇，竟不慎踢爆紅地氈兩旁的燈泡，非常爆笑！

壓軸出場的鎮宇，行紅地氈時不慎踢爆燈泡。

吳鎮宇

馬國明認為網民討論他與江美儀的感情線是好事。

一身型格打扮的杏兒翹實吳卓羲出場。

籌備多年的無綫重頭劇《衝上雲霄Ⅱ》今晚首播，繼上周於機場進行大晒冷宣傳後，昨日機長吳鎮宇再度率領馬國明、胡杏兒及胡定欣等為新劇造勢，又安排劇中一對對的情侶踏上飛機跑道作狀行紅地氈，緋聞男女吳卓羲未有與傅嘉莉出場，反而翹實杏兒一同亮相。

Chok爆的「Sam哥」鎮宇壓軸出場，期間卻不慎踢爆紅地氈兩旁的燈泡，而影大合照時，他又兩度接聽電話，相當忙碌。事後鎮宇笑說：「啲靚女太吸引，所以視線去咗佢哋度。」並指是日為最後一次宣傳，若收視理想才有面子返娘家。

臨尾加咀戲

談到4歲的兒子可會捧場，鎮宇說：「唔介意畀佢睇到Kiss戲，仲趁機會教佢呢啲嘢，本來同杏兒、法拉得兩場咀戲，到臨尾兩集又再加番。」

而密實上陣的杏兒，被取笑被同場打扮性感的女演員比下去時，她即自嘲獻醜不如藏拙，寧以型格取勝，又透露稍後將接拍內地劇，有意用酬勞購買細單位收租。另外，馬國明對於網民不太接受他與江美儀於劇中的母子感情線，笑指有人討論是好事，期望收視能超過30點。