身穿Tube Dress的阿Sa，大騷長腿唱新歌。

蔡卓妍為拍攝新碟封套，專程飛往英國取景，她自爆途中出走巴黎，大使六位數字「濕平」，搞到行李超重，最後要使出「美男計」冧掂空姐，才得以順利回港。

身穿Tube Dress的阿Sa，大騷長腿唱新歌。

阿Sa獲現場逾二百名粉絲手持太陽花打氣，當然非常開心！

蔡卓妍（阿Sa）昨日出席大埔超級城《夏日動感樂園之旅》啟動禮暨蔡卓妍「Blooming」簽唱會，身穿Tube Dress兼腳踏四吋高踭鞋的阿Sa，大騷靚膊及長腿，獲逾二百名粉絲撐場。為配合主題，不少歌迷手持太陽花打氣，更有「Sa迷」為她送上一幅畫，畫中阿Sa化身太陽，照耀粉絲，認真窩心。

呻男友周圍飛

阿Sa表示今次與攝製隊遠赴英國拍攝唱片封套，途中順道飛往巴黎，並豪花六位數字瘋狂「濕平」，非常盡興！但「濕平」背後的代價，便是行李超重，最終阿Sa使出「美男計」冧掂空姐，才得以順利過關，她笑說：「好在攝製隊中有個男仔，佢同空姐傾幾句就搞掂咗，不過佢都幾『賴皮』。」

阿Sa又指曾試過獨自去日本沖繩旅遊，誰知途中遇到不少香港朋友，最後成班人相約一起去海灘玩水。問到可有與男友陳偉霆旅行？她說：「成日都去o架喎！不過放假先算啦！大家都成日唔喺香港。」雖然忙到爆，但她表示已經「睇開咗」：「以前會日做夜做，但依家覺得都係長命工夫長命做，有1、2日假都會飛去玩。」