趙式芝（右）與楊如芯擺「婚宴」轟動全城，父親趙世曾卻不承認兩人關係。

名媛趙式芝去年宣布與楊如芯的「婚訊」轟動一時，父親趙世曾卻不接受。她早前受訪時直言上流社會難以接受「出櫃」，更暗寸父親風流一世，換來是老來沒有老婆照顧。

趙式芝（右）與楊如芯擺「婚宴」轟動全城，父親趙世曾卻不承認兩人關係。

趙世曾被式芝指享受一世風流，卻不自覺付出沉重代價。

趙式芝（左二起）與楊如芯曾出席撐同志活動，希望爭取應有權益。

英國《泰晤士報》（The Times）早前訪問趙式芝，談及與同性戀人楊如芯成婚在香港惹起爭議時，她說：「其實香港上流社會隱藏好多同性戀者，如果佢哋勇於出櫃，同志權益就更容易捍衞，當然呢樣唔會發生！呢個地方係由一班家長管理，佢哋知道如果個仔咁靚仔都決定出櫃，對整個家族都係醜聞，呢種恐懼阻止緊某啲人享有自由同快樂嘅生活，最瘋狂嘅係佢哋可以喺私生活過得好『同性』，但永遠唔可以話自己係。」

趙式芝又表示沒有不認同父親趙世曾：「我冇唔認同佢，我只係唔認同佢傷害過人嘅心，冇唔認同佢哋生活模式。我認為佢咁有好多好大嘅犧牲，但佢唔會講，因為根本唔知道！佢認為自己一世都會風流，亦享受呢個名氣，但佢老時唔會有老婆照顧佢，呢樣令我每日都擔心。我好怕佢遇到意外，而身邊冇人知道點樣照顧佢，呢個就係佢嘅犧牲。」

取向非與生俱來

另外，趙式芝還認為同性取向並非與生俱來：「我唔覺得同性戀會係天生嘅，喺科學角度嚟講，我認為性取向係演變出嚟，而且會受人生經驗所影響，『Born This Way』嘅爭議都係留畀Lady GaGa啦！」