吳千語冇聽林峯講離巢

吳千語昨日出席煤氣公司《萬糉同心為公益》活動，首次包糉的她笑說：「比較少下廚，我鍾意食多啲。（男友林峯為你下廚？）未有機會，唔係成日見。（整糉畀林峯食？）如果真係整都畀家人試先。」有傳林峯將離開無綫，她說：「佢冇同我講呢啲，佢依家做嘢開心。（佢收超過二千萬幫now拍內地劇喎！）工作都係由公司安排，公司都知，依家都就快開劇啦。」她坦言絕不擔心二人聚少離多導致感情疏遠，並表示信任對方。