鮑起靜與方平嫁女，與女兒及女婿合照。

影后鮑起靜與方平的愛女方之樺昨日出嫁，在四季酒店筵開廿多席舉行婚宴，由於鮑姐與方平甚受圈中人尊敬，有不少圈中人到賀，包括爾冬陞、施南生、錢嘉樂夫婦、陳煒、江美儀、方中信夫婦及薛凱琪等，而方中信女兒迦晴更擔任花女滿場飛，方中信亦深受賓客歡迎，被邀合照。

鮑起靜與方平嫁女，與女兒及女婿合照。

鮑起靜與方平睇住愛女出嫁，笑不攏嘴。

方中信到賀之餘，還讓女兒做花女，非常畀面！

薛凱琪被一對新人的致詞感動，又笑又喊。

榮升外母的鮑姐開心到見牙唔見眼，表示女兒十六歲與女婿麥浩雲拍拖，一拍十四年結束愛情長跑，她自爆被女兒結婚過程感動落淚：「佢哋之後會去英國居住，同咗女婿講將個女交畀佢，拜託佢好好照顧，祝佢哋幸福！（想抱孫？）雙方家長有催，知佢有自己計劃，會喺一、兩年後先生，我冇問題。（想添男孫？）如果想生仔嘅話，男仔最好食素。其實老公錫老婆，自然會生仔。（方平唔錫你？）冇我咁遷就佢囉！」方平的九十一歲母親亦有出席婚宴。席上鮑姐與薛凱琪聽到新人致詞時，感動落淚。