湯告魯斯玩到成頭汁

荷里活著名男星湯告魯斯（Tom Cruise）前日為宣傳新片《攻．元2077》（Oblivion），於名嘴Jimmy Fallon的清談節目受訪，期間玩掟雞蛋遊戲大搞氣氛。去年於節目玩遊戲互潑水的靚佬湯，今次在節目中與Jimmy改玩類似俄羅斯輪盤的遊戲，要輪流在12隻雞蛋（包含4隻生蛋及8隻熟蛋）當中，擲向自己的頭部，結果靚佬湯連續兩鋪揀中生雞蛋，結果弄得整個頭都是蛋汁，認真狼狽！

而前一晚，靚佬湯於另一名嘴Jimmy Kimmel的節目中宣傳，大晒演技兼「Chok聲」講無聊對白。談到早前有兩名女Fans追溯他祖先的身份，結果發現原來他的愛爾蘭祖先十分巴閉，控制愛爾蘭首都柏林大部分的地方，連他亦覺得驚奇。