吳國敬打針急救變膠

吳國敬與鄧建明一連兩場演唱會前晚開鑼，請來多位好友撐場，但阿敬慘遭踩場的BIG FOUR連番嘲笑，不但被踩衣着似女人，更被封「膠敬」！

吳國敬與鄧建明（Joey Tang）前晚首度聯手舉行《Man's Icon Concert》，盡騷音樂才華，Joey與「夢中情人」何婉盈拖手合唱，又邀得太極樂隊、劉以達及組合BIG FOUR做嘉賓，不過當中獨欠被胞弟追數的張衞健（Dicky），眾人抵死地拿Dicky嘲笑：「點解少咁位？佢識唱歌o架咩？冇理由我哋就佢唱《足球小將》o架！」

衣着被嘲似女人

阿敬亦逃不過被「好兄弟」玩的命運，除了一身黑皮褸加窩釘的Hard Rock造型被取笑似女人外，又被梁漢文追問：「你成晚都食住香口膠，咁你唱歌時舊膠去咗邊？」阿敬即笑說：「其實我已經吞咗4舊！」蘇永康即大玩粗口諧音說：「咁你咪成肚膠？你真係『膠敬』！」又踢爆阿敬為了個唱打類固醇針開聲，向來玩得的阿敬亦大方自嘲：「避孕針我都照打！」

Joey Tang拖女神

完騷後，阿敬解釋因胃酸倒流致聲帶受損：「今日差啲想喊，下午綵排都未開到聲，即刻去打針。」對於Dicky胞弟開記者會追數，阿敬透露上次見面約在6年前：「佢嗰時思維冇依家咁糟，好擔心佢，去睇專業人士紓緩情緒啦！冇錢都唔應該搞到家嘈屋閉。」Joey則笑言與「女神」拖手合唱沒有心跳加速：「我跑開步，心跳比較慢，但我發夢成日都見到佢！」