姜大偉的次女姜依文於本月6日與印尼華僑Tim駱在峇里舉行婚禮，據知Tim是加拿大演員，一對新人早於1月13日已在溫哥華註冊，並宴請近百親友，包括大女姜依蘭及女婿曹永廉一家及方平等，現場更有煙花助興！姜大偉在婚禮致詞時一度扮嬲表示女兒已不姓姜，令賓客一場虛驚，其後新娘子上台送抱，兩父女感動落淚。已返港的姜大偉昨日在電話中說：「好開心，嫁咗兩個女，仲有個仔，佢15歲，等佢結埋婚我就圓心願！依文同Tim喺峇里度埋蜜月，過幾日就返加拿大定居。」