祖兒上海開工麥皮頂肚

樂壇天后容祖兒帶病現身公司舉行的陸運會，為嚴防H7N9流感，即將再闖上海疫區的她計劃自備糧餉，寧願以麥皮頂肚，亦謝絕家禽「入口」！

英皇集團主席楊受成博士伉儷昨日率領旗下藝人出席《英皇慈善顯動力陸運會》，眾藝人踴躍參賽，唯獨容祖兒、蔡卓妍（阿Sa）及鄭希怡（Yumiko）未有落場。帶病上陣的祖兒說：「啲痰未清，但呢排最健康，點幾就瞓！」談及H7N9禽流感在內地擴散，即將再赴上海工作的祖兒打算謝絕掂雞鴨鵝，並帶備大量麥皮充飢，笑言當減肥！她還自爆因勤洗手而搞到雙手變「鞋」，問到拖她手的人有否投訴，她即伸手叫大家摸，至於會否與劉浩龍慶祝拍拖周年，她說：「唔使，唔講呢啲，都未夠一年。」

對於影帝黃秋生加盟英皇，祖兒開心公司陣容強大，但分薄了經理人Mani的照顧：「叫公司簽多個Mani，我擔心佢唔夠時間，湊呢啲巨星精神壓力唔細。」並笑言可照顧自己，當Mani上前攬實她，她即搞笑地作狀逃走，並大說：「叫咗你唔好理我！」其後又跟老闆楊受成合照，並笑言博見報！

阿Sa「撻水」心口痛

至於在內地跳水節目成功晉級的阿Sa，正積極練習第二跳，並自爆曾被教練推落水，令她驚到喊。對於李彩華跳水變「撻生魚」瘀爆，阿Sa自言亦試過，痛得像被人兜心口踢一腳。至於以200萬元酬勞「亡命跳水」的傳聞，她說：「冇咁多，我會捐部分出嚟。」而Yumiko早前因籌備婚禮而與男友Andy發生拗撬，她說：「唔好再寫，唔係真係結唔成婚！」未婚夫是獨生子，但她未有生B打算：「我哋仲後生。（儲卵？）我粒嘢仲好靚！」並笑言當男友是家禽般保持距離。