朱璇學「金剛廣東話」擺明博鬧

藝人馬德鐘、朱璇、呂慧儀及李亞男等昨日出席明珠台美劇宣傳，眾女玩遊戲時盡顯豪放一面，不斷揭開扮演男疑犯的訓練班同學上衣查看他們不同位置的紋身，朱璇更將紙板塞入其中一名男子衫內，玩得相當興起。

介紹新劇時，李亞男與朱璇的半鹹淡廣東話鬧出不少笑話，朱璇笑言有看金剛的《街坊廚神》學廣東話：「所以冇乜進步，我哋係外星（省）人，有時唔係幾聽得到啲音。（講唔正，拍劇會畀人鬧？）咁要大家睇字幕，再唔得就Say Sorry，畀個話題人哋鬧吓，都幾開心。」李亞男即取笑她：「焗住人哋睇完又睇。」而馬德鐘透露六月底將返無綫拍《飛虎》續集。