DaDa玩真空

女星陳靜（DaDa）行紅地氈玩真空，穿Dior黑色超Deep V長裙的她配上華貴的伯爵首飾，令人眼前一亮。未知是否擔心走光，她受訪時以手遮胸。對於向來澎湃的上圍疑似縮水，她說：「冇，今日真空冇Push，都有啲危險，有啲尷尬，但好舒服。」

楊千華佩戴價值33,138,000港元的HARRY WINSTON首飾和老公丁子高拖手行紅地氈，胸懷大「痣」的她笑言被囝囝損心口：「佢以為我粒痣係污糟嘢，係咁畀佢到我心口損咗！」此外，她昨午在九龍灣出席活動時表示，懷孕初期已發現有纖維瘤：「要生完先處理，所以佗住個10個月都驚o架！同埋我數量較多，同Size較大，醫生話處理咗佢就對第時再生BB好啲。」她透露已請了一個月大假調理身體：「因為一年內開咗兩次刀，比較虛耗要休息多啲，同埋遲啲又要拍戲，所以想抖好晒先做嘢。」