Kary捱「撞」樂仔心痛

吳雨霏昨日出席活動時大騷美好身段，「秒殺」同場歌手，而近日盛傳「變臉」的薛凱琪及官恩娜亦紛紛解畫。

歌手吳雨霏（Kary）及薛凱琪（Fiona）等歌手昨日出席電台活動，蜜運中的Kary穿貼身長裙晒腿搶鏡。談到早前與男友余文樂撐枱腳被撞破，她無奈地說：「本身諗住睇戲，惟有返屋企，最緊要人同車都冇事。（樂仔心痛你定係『戰車』被撞？）唔使問啦！」

Fiona澄清冇整容

同場的Fiona則澄清沒有整容：「我冇整過對眼，可以拎番以前嘅相對比。」她又透露正練舞兼減肥，問到上圍可有降Cup？她即扯開話題說：「我嗰度冇新聞價值，我賣聲帶同演技。」

另一邊廂，官恩娜（Ella）昨日到電台受訪時摸着面說：「清者自清呀！報道話我填酒凹同割眼袋，但眼袋屬子女宮，我根本就冇諗住改，我只係剃咗眉同畫高咗少少！」她又勞氣地強調不會打Botox：「我鍾意圓面，打針會瘦o架！」