惠英紅首爾拍戲：有事先算啦！

南北韓隨時開戰，為免禍及外地人，有關方面昨日制訂應急及疏散措施，身在首爾為新片《冬戀望日》開工的惠英紅，昨日接受長途電話訪問時透露幾天前已到首爾，預計月中回港，見市面上未有任何異樣：「收到消息時都諗緊係咪真，後來問當地人，佢哋就喺度笑，因為佢哋話講開戰講咗90幾次，所以冇放喺心！（會唔會買機票走？）唔會，個個都走嘅話應該都冇位啦！到時有事先算啦！」她笑說心情未受影響，首日落機已豪擲逾萬元買面膜。

導演胡偉成（Ray）則表示拍攝進度相當順利，大隊完成昨日市區戲份後，今日將移師山區繼續開工：「當地工作人員都冇多講，唔係我哋講都唔知添！」而監製馮煒源透露曾為開戰一事與當地製作公司及演員經理人聯絡：「佢哋反應冇乜嘢，又冇好擔心，呢邊都唔係報道好多呢件事，反而香港緊張啲，同埋都冇叫人走，男主角趙瀚善都唔驚呀！」