張美妮寶盒談情講品味

不少貪靚的女生都愛收藏耳環、項鏈、髮夾及戒指等小飾品，藝人張美妮當然不例外，經常要出騷登台的她最喜歡收藏盒子，用來存放這些心愛的法寶。

張美妮家中共有三個「寶盒」，其中一個Hello Kitty的飾盒陪伴她最久：「呢個盒陪咗我8年，我一路都唔捨得丟，入面嘅首飾用耐咗會換，但呢個盒就冇換過，因為最有感情。」另一個白色及粉紅色的兩層盒子亦是她的至愛：「我好鍾意呢兩種色，因為感覺好夢幻，好女仔，呢個盒本身用嚟裝沐浴梘，不過我買嚟為咗裝首飾，哈哈！」另一個蛇皮盒則是美妮當年出席活動時所得的小禮物，因為活動當日是她的生日，故特別有意義。

對美妮來說，這些寶盒除存放首飾外，最重要便是分類，她說：「呢三個盒分別用嚟擺唔同Style嘅首飾，Hello Kitty嗰個用嚟擺少女味啲嘅；粉紅色白色嗰個就放水晶同Smart Casual嘅，蛇皮盒就放Grand啲嘅首飾，咁就唔怕首飾會唔見，同埋襯完衫之後易搵啲，慳番啲時間！」