學結他自彈自唱冧祖藍

除鋼琴和長笛外，Leanne兩、三年前還自學結他，她笑說：「我妹妹每日返學都會抽幾個鐘練結他，雖然佢係自學，但已經去到好高級嘅階段，唔使睇譜都彈到首歌出嚟。我見佢咁叻，咪走去網上學吓點樣彈囉。因為我鍾意唱歌，所以學彈結他只係一個娛樂，畀自己輕鬆吓。」她又指自學彈結他一點也不難：「只要掌握到基本嘅Do Re Mi點彈，已經可以好似模似樣。但有兩個要訣，第一唔可以留指甲，第二係啲手指要用力o架，否則就會走音。不過初初學時覺得啲手指頭好痛，因為要撳到好實。」

Leanne透露曾自彈自唱錄製聖誕歌給男友王祖藍作聖誕禮物，並笑言祖藍收禮後冧到爆：「其實我依家呢個結他都係祖藍送畀我嘅，係我嘅生日禮物。（幾錢一個？）一萬蚊度啦！」她又踢爆祖藍亦曾學彈結他，可惜上了數堂便「半途而廢」：「你知佢忙啦，冇迫切性需要佢都唔會的起心肝學到底。」