秋生包場請阿媽睇戲

黃秋生昨日現身旺角UA朗豪坊，為國藝影視、英皇電影聯合投資的新片《葉問—終極一戰》謝票，電影上映三天，票房破三百萬，成為同期華語片冠軍，電影公司下周慶功。揚言從不謝票的秋生表示要破例：「我從來唔謝票，但為咗多謝觀眾入場支持香港電影，今日專登嚟。呢套戲台前幕後，美術、劇本、導演都用咗好多心機，入場感受氣氛好重要，好似自己喺屋企煮飯都得o架，但去餐廳食，氣氛唔同啲！（家人睇咗未？）大仔、細仔都睇咗，話OK！反而我想包場，推阿媽（黃媽媽曾中風要以輪椅代步）去睇。以前我拍拍埋埋幾百部戲，有啲太恐怖，係爛得太恐怖，唔想佢睇，呢套我就好想佢睇睇。」