哥哥拍過高志森不少電影作品，有傳1994年高志森曾開支票邀他拍戲但未能成事，事後有人公開指因酬勞有差異的支票令哥哥不滿。高志森回應：「哥哥離開咗我哋咁多年，點解仲有人撩是鬥非？哥哥1998年仲有拍我執導嘅《九星報喜》，大家好好朋友。當年佢仲放風畀我知，話陳寶珠復出叫我搵佢合作，結果1999年就同陳寶珠合作咗舞台劇《劍雪浮生》。」