女星楊采妮接受內地訪問，回憶17歲時與哥哥合演《東邪西毒》，二人更以「父女」相稱：「當時我有場戲要講好多對白，哥哥知我緊張，專登嚟片場同我對戲，知我放鬆咗，佢就話返屋企瞓覺。當時佢嘅背影好瀟灑，我呢世都唔會忘記。」她又感激哥哥的提攜：「佢親自打嚟叫我去《白髮魔女傳》首映，去到不斷介紹人畀我識。」另外，昨日有內地報道指哥哥2003年新春，正低調籌拍電影以圓導演夢，提攜後輩的他更欲邀當時仍未大紅的黃曉明演出，飾演姜文兒子。當時哥哥還親往青島睇景，可惜電影未開拍，便傳來其死訊。