哥哥電影留憾

向來熱衷電影工作的張國榮（哥哥），曾為振興本港影業不遺餘力，以一元酬勞接拍電影，事後才發現遭「搵笨」，難怪當年他曾向舊愛毛舜筠透露被嚇怕，不會再被花言巧語的導演打動。於歌壇稱雄的哥哥，當時更不諱言希望同樣於影壇稱霸。

哥哥與毛姐再見亦是朋友，2001年毛姐為電視台主持節目，哥哥以嘉賓身份受訪，當時哥哥盤膝坐於梳化上，看來十分輕鬆，就如平日與老友閒談般，細說影畫夢。

席間，哥哥大部分時間談及本港影業，胸懷大志的他不滿創意乏善可陳，叫他心痛：「好多時淨係拍愛情、搞笑同黑社會片，我覺得應該畀多啲選擇觀眾！如果我要畀幾十蚊出嚟睇場戲，點解唔睇外語片？人哋質素好咁多。」

由於部分演員有外埠市場，本身亦有叫座力，故片酬高亦無可厚非，哥哥亦坦言覺得自己的片酬合理，但他曾經於電影市道低迷時，象徵式以一元片酬接拍張之亮執導的《流星語》，又形容自己是不收片酬的「開荒牛」，結果當年孭飛電影「閒閒哋」票房收千萬的他，最後寫下此片約2,336,870元的票房「新紀錄」，難怪令他耿耿於懷：「當時有好多攞過金像獎嘅導演一齊成立咗『創意聯盟』，希望拍啲好電影，我就係第一個應承幫佢哋（創意聯盟）拍戲，當時張之亮戰戰兢兢咁嚟搵我拍戲，問可唔可以收順啲，我就話『收一蚊幫你拍！』」他續指因「聯盟」不夠同心，結果事倍功半：「我覺得佢哋（創意聯盟）有私心，既然話得係『聯盟』，應該好齊心去做一件事，但最後各有各拍。」

有人講就無敵做就乏力

是次「慘痛經歷」並未打沉哥哥對電影的熱誠，但他表示如果再有人「碌人情卡」邀他零片酬拍戲，他會作出很大的保留：「好多導演Sell劇本時講到天花龍鳳，但最後根本唔係嗰回事。」

早憑《阿飛正傳》成為香港金像影帝，又憑電影《霸王別姬》揚威海外兼於日本奪男主角獎的哥哥，坦言仍恨攞獎：「想！唔一定康城或奧斯卡，香港電影金像獎我都恨攞……唱歌咩獎我未攞過？電影挑戰性多啲，可能有日我會攞外國演員獎呢！」對於電影夢，哥哥相當執意，這份堅持叫人動容，雖然未能以導演身份開拍一部完整電影，但他曾自導自演禁煙影劇《煙飛煙滅》，總算讓戲迷欣賞到他的執導作品。

電影夢不息

歌而優則演的哥哥，憑電影《阿飛正傳》首封香港影帝，再憑《霸王別姬》揚名國際。除了精於幕前演出，《煙飛煙滅》更是他自導自演的影劇作品，可惜後期拍《異度空間》時，疑因無法抽離角色而患情緒病，同時成為其遺作。

音樂創星途

哥哥1977年參加歌唱比賽一鳴驚人，1984年憑《Monica》極速竄紅，多年來留下經典無數，貢獻華語樂壇，除了於《十大中文金曲頒獎禮》獲金針獎殊榮外，2010年美國CNN舉辦的《過去五十年聞名全球的五大指標音樂人》票選中名列第三，是亞洲唯一上榜歌手！