關楚耀笑麥家瑜「窒女」

關楚耀（Kelvin）近年殺入主持界，日前他帶同師妹麥家瑜（Keeva）齊齊主持一個潮流節目，Kelvin笑言主持這個節目令他收穫豐富：「我哋會介紹香港嘅飲飲食食、唔同嘅潮點，之前拍劇都冇時間買衫，今次都買咗好多潮物。」而Keeva自言是個潮流大鄉里，故拍攝期間不時被Kelvin「窒」：「第一次做主持，好彩有師兄帶住我，不過我好似個大鄉里咁乜都唔識，所以成日畀佢窒，畀佢哋笑我係『窒女』。」Kelvin曾與女拍檔傳緋聞，問到他和師妹合作可會擔心？他笑說：「咁咪亂倫？做嘢唔怕嘅！我當佢係妹咁。」