梁安琪回歸樂壇搞Band Show

去年飽受事業、感情打擊的前DJ梁安琪（Angel），新一年希望重新開始，放棄從政的她宣布回歸樂壇：「過去冇咩值得再提，人哋以為我死到最直，原來係重生。」從政多年的她，發現政壇比娛樂圈更複雜，既然不適合，她寧願「食番老本」。她又形容音樂是她的家，回家才是最幸福的事：「喺我最困難時遇到依家嘅經理人David，佢係我貴人。」

一直熱愛搖擺樂的Angel得到經理人財政上的支持，今年將舉辦一個《搖擺天使勁Band擂台》，她說：「之前已經搞咗個Band Sound巡禮，反應好好，仲記得當年Beyond第一個訪問都係我做，今次籌備搞搖擺擂台，製作費最少都要幾十萬，希望令沉寂已久嘅Band壇再熱鬧起嚟！」