葉德嫻當最後一次開騷
葉德嫻（Deanie）最近積極備戰，為一連三場的《Deanie Sing for me 2013葉德嫻演唱會》做好準備。事隔八年再度於紅館舉行個唱，全因「話事權」令她首肯：「其實呢幾年一直有人搵我開演唱會，但要我請大明星做嘉賓，又指定要我唱晒經典歌，我做唔到佢哋要求。今次主辦單位好尊重我，所以先做。」不過她視今次為告別演唱會：「我有諗過唔再唱歌，唔係退休，只係唱到力有不逮嘅時候就要走。其實每次演唱我都視為最後一次，因為唔知仲有冇命去做！」
提到與羅大佑的恩怨，Deanie坦言二人再見不是朋友，更指他從來沒有道歉：「當初錄《赤子》佢話係切磋，點知未經我同意就出咗街，我覺得係出賣我！」
葉德嫻每次開騷都當最後一次，務求做到最好。
葉德嫻及好友倫永亮為個唱積極備戰。