單身杏兒送羊入虎口

胡杏兒自去年宣布單身後，一直未有新戀情，男神馬國明坦言對她有Feel，更於新劇主動要求加咀戲！杏兒卻對他說：「喺埋一齊咪送羊入虎口？」

胡杏兒與馬國明繼多年前合作拍劇集《肥田囍事》後，最近於《戀愛季節》再度合作，還飾演情侶。並非首次合作的他倆毋須熱身已有默契，於拍攝初期，馬明曾揚言要向監製加咀戲，最後他成功爭取，一償與杏兒咀嘴的心願！

對於該場接吻戲，馬明笑言非常回味：「劇本本身冇錫，最後拍嗰陣，大家覺得錫埋感覺好好多，咁咪錫嘴仔囉，開心到幾晚瞓唔到！不過我都好乖，拍之前冇食重口味嘢，衰在套劇太短，得5集，有25集畀我談情就好喇！」杏兒聞言即哈哈大笑說：「我就係鍾意你夠坦白！咁多年冇機會再合作，轉眼間你成為眾人眼中嘅男神，真係有幸同你拍劇！」更指戲中一場馬明扮銅像的戲份令她印象難忘，不諱言若現實中有男仔願意這樣做，她必定冧爆。

慘食檸檬

問到跟馬明同是單身一族，會否考慮對方？杏兒竟耍手說：「佢依家勁得滯，頂佢唔順！物極必反，我屬羊佢屬虎，喺埋一齊咪送羊入虎口？唔得！」對於遭杏兒當場拒絕，馬明毫不尷尬：「我食檸檬冇所謂啦！男仔應該大方啲！」