樂曈心願「錢情」錦鏽

不說不知，原來前港男陳偉洪入得廚房，堪稱一等一「住家男」！日前他相約劇集拍檔樂瞳製作愛心湯圓，全程有板有眼，反而樂瞳險倒瀉水，非常論盡！幸好二人同心合力後，終順利完成作品，更即時品嘗美食，大讚Yummy Yummy！

樂瞳與陳偉洪（Calvin）早前在劇集《幸福摩天輪》中飾演鬥氣冤家，經常鬧交冇時停，日前二人化敵為友，同心協力炮製湯圓。本以為會雞手鴨腳，怎料他們同心合力後異常順利，無論搓、煮湯圓都駕輕就熟。完成後，二人更急不及待品嘗製成品，齊齊大讚Yummy！

二人對湯圓非常滿意，但Calvin卻踢爆期間發生了一段小插曲，他說：「頭先整得幾順利，不過啱啱樂瞳差啲倒瀉水，哈哈！」他坦言現時一個人住，故不時下廚，誓要向「住家男人」邁進：「平時喺屋企都會一個人整好多嘢食，有時整吓意粉，鑽研新菜式！」

攞獎等天意

至於樂瞳於去年底的台慶頒獎禮失落「飛躍進步女藝員」，問到今年會否希望得獎，她說：「其實上年都預咗係黃智雯攞，因為佢真係做到唔同類型嘅角色，反而我外形比較局限，感覺未必能夠勝任成熟嘅角色。不過機遇嘅嘢係命運，一切由個天去安排啦！我淨係希望做好公司畀我嘅工作，同埋繼續賺到盆滿缽滿、搵到男朋友，哈哈！」