楊怡暗讚羅仲謙好筍

藝人吳啟華、馬國明、羅仲謙、楊怡與朱千雪昨日為新劇進行開鏡拜神，近期的熱炒「筍盤」馬國明與楊怡再合作，問到會否有男友羅仲謙同劇而難與馬國明傳緋聞？楊怡說：「咁我咪少咗機會宣傳？馬國明直情係鑽石王老五啦！（邊個筍啲？）冇所謂，兩個都咁靚仔，佢哋有好多共通點。（羅仲謙驚唔驚你哋傳緋聞？）唔知，你要問佢！（你定力夠唔夠？）我喺呢行咁耐，定力好夠！（佢劇中多唔多女伴？）咁又冇睇過喎！」

劇中與朱千雪一對的吳啟華指相隔八年再拍無綫劇感覺良好，相信會每年拍一部。朱千雪則回應有指被港姐亞軍黃心穎鬧爆，不滿工作多多，指她有陳百祥撐腰，朱千雪即否認：「呢個報道好好笑，反而係黃心穎話畀我知嘅，我哋冇唔啱！叻哥係選港姐時認識，佢拍嘢一向好錫大家。」