君如讚合襯 黃百鳴：唔明佢哋點諗

身為千語經理人公司老闆的黃百鳴，昨晚與熊黛林（Lynn）、吳君如、鄭中基及薛凱琪等出席活動時，問到「峯語」拍拖，黃百鳴指男未婚、女未嫁，光明正大：「公開咗，唔使偷偷摸摸仲好，不過最緊要工作時工作，得閒時拍拖！」（『峯語』一個月去三次旅行太密？）「唔知依家啲年輕人點諗！」他透露「峯語」年中有新片上映，但不是飾演一對，更不會叫他們以情侶檔作宣傳。至於君如表示於千島湖拍攝外景時，千語經常黐着他們，又沒有煲電話粥，估計當時二人未開始拍拖，問到是否覺得二人合襯？她笑說：「梗係襯！個個孖住喺機場返幾開心！（余文樂唔認戀情？）可能後生仔唔知點表達，我當年都係唔認（戀情）嘅佼佼者！」