馬德鐘宣布6月「再婚」

馬德鐘昨晚與太太張筱蘭出席Dior裝置專門店酒會時透露，今年6月28日是結婚20周年，屆時將擺喜酒搞大型派對：「當年嘅結婚儀式較簡單，就咁註冊，而且有相士話我會結兩次婚，我要再結第二次婚都係同呢個老婆，所以今年會補影婚紗相。（再宣誓？）要睇安排，會揀一個特別嘅地方。」張筱蘭則笑言兒子與老公一樣高，做不了花仔，可能做伴郎。此外，她在微博上載結婚證書及兩公婆的陳年合照，馬德鐘感慨地回應：「當日你下嫁我的時候，我甚麼也沒有！連結婚也只是在『流動的鄉公所』，這片段還在眼前。」

同場的熊黛林穿上鬆身裙及半吋高踭鞋，問到是否有喜，她說：「未有，如果有喜我唔會瞞。」並指父親逝世後更珍惜眼前人，問到是否珍惜郭富城，她甜笑說：「OK啦，平時咁就OK。（堪輿學家批你哋好事近？）講咗好多年，借佢哋嘅吉言，等自己快啲有個家。」