吳彥祖火屎辣手見紅

張家輝日前為英皇新片拍攝為期三日的重頭戲，電影公司更申請封橋。曾透露角色亦正亦邪的家輝，魔警造型首度曝光，拍檔吳彥祖則於拍攝期間被火屎傷及手指流血，認真慘情！

張家輝、吳彥祖（Daniel）、王合喜及吳浩康等日前為英皇電影《魔警》拍攝重頭戲，包括大堆頭槍戰及爆破場面。為免加入特效令畫面失真，電影公司於兩個半月前已向政府申請封橋，相當認真。

家輝曾透露兩者角色差別很大，令他有點人格分裂，日前他一早現身深水埗某天橋，現場有一條車龍，以警察制服Look上陣的Daniel及合喜，跟戴上面罩的家輝開槍駁火，期間家輝還換上怪獸面具還擊，由於旁邊乃正常行車線，故不少司機見狀也不禁眼望望。家輝每完成一個鏡頭，都與導演林超賢研究。

翌日Daniel拍攝開槍戲份，大抵被火屎彈中，其左手尾指受傷流血，現場工作人員即為他包紮，為防觸及傷口，他脫下避彈衣時需要工作人員協助，又不時按住痛處，幸而傷勢沒大礙，故休息片刻便再次投入拍攝。同場的吳浩康穿警服避彈衣、手持長槍，拍攝追捕匪徒的戲份。至於王合喜拍攝遭汽車爆炸氣流彈開的戲份時，先親身上陣拍攝大頭Shot，然後由替身代拍大動作彈開反應，場面幾可亂真。

膽生毛冇忌諱

對於魔警造型曝光，家輝驚訝地說：「咁都影到真係犀利，我戴住面罩點知邊個係我？不過今次真係要多謝電影公司，畀咁多人力物力去拍，政府又好配合!（套戲要去殯儀館度拍好邪！）我哋膽生毛食四方飯，唔怕！」