阿徐送蛇B氹Eason

潮人徐濠縈（阿徐）經營的時裝店再開分店，邀得影后周迅、好友黃偉文、名模周汶錡及歌手鄭希怡等撐場，而懷孕的名模Lisa S.亦穿上5吋高跟鞋到賀。阿徐表示得發展商邀請開舖，租金屬友情價，問老公陳奕迅（Eason）可有給予意見？她說：「Eason同個女同聲同氣，希望我唔好太忙！（趕生蛇B？）趕唔切喇！因為3月跑馬拉松！（情人節送咩畀Eason？）送蛇B啦！講吓之嘛！又唔係真！Eason乜都有，可能佢都想要BB，佗BB又唔使男人佗，佢一定冇問題！連個女都想要妹妹！」

而正在休息的周迅從瑞士旅行來港撐場，開玩笑說只是路過湊熱鬧，認真風騷！問到是否有男伴同行？她說：「不是！不過我會多休息半年才復工，現正在揀劇本！」問到會否再拍荷里活片？她想也不想便搖頭。