吳卓羲戥兄弟開心

林峯、吳卓羲及黃宗澤（Bosco）三位無綫小生的戀情生活備受外界關注，林峯被指帶緋聞女友吳千語返故鄉廈門，昨日回應時更面露冧爆之情，不過其餘兩位兄弟Bosco及卓羲最近忙於在內地拍劇，感情似乎無甚特別！問到林峯似乎默認帶吳千語返廈門一事，卓羲說：「係咪真嘅我都唔知，人哋嘅嘢要問番佢，不過如果係真嘅，做朋友梗係替佢開心！」而昨日致電給剛返港的Bosco，他表示未有拖拍，問到如果有會否如林峯般冧爆默認？他說：「到時有先算啦！未有耐。（內地做嘢有冇女仔主動埋身？）冇喎！（內地女仔溫柔啲喎！）個個地方都有溫柔女仔，我鍾意啲有啲個性嘅，暫時都未遇到。」