臨盆在即的周家蔚與剛從橫店返港的老公洪天明前晚出席陳爽婚宴，穿平底鞋的家蔚愈見腫脹，卻撒嬌指老公「講大話」：「佢話我冇乜點變，唔係好肥！」天明聞言即摸着老婆大肚，並笑說：「係冇乜肥喎！我已經同劇組申請咗兩個禮拜假期陪佢，等佢生完，陪多一陣先返去繼續拍攝。」
談到預產期，家蔚說：「原本2月5號順產係最好，但BB個頭比平常大咗兩周，所以決定今個月28號開刀生。（佗B辛苦？）唔辛苦，不過近排朝早六點就醒咗，瞓一瞓就醒，就當係習慣之後餵奶嘅鐘數。」
洪天明向內地劇組請假，陪老婆周家蔚待產。
