黎耀祥貪得意着紅底

阿姐汪明荃、黎耀祥、蘇施黃及麥玲玲昨日出席活動，將於大年初三到馬場表演的阿姐及祥仔，笑言會小賭一下。堪輿學家麥玲玲表示新年旺紅色和黃色衫，問祥仔會否着紅底，他說：「我唔迷信，不過都可能會貪得意着吓！」對於近日無綫被批評人才凋零，冇演員拍劇，祥仔說：「唔只演員缺人，成行都缺人，同埋呢行辛苦，要時間培養，依家啲年輕人又唔捱得，好似我咁好韌力好難搵！」而阿姐透露新年期間會留港工作，以及錄影春節晚會於年廿九晚播出。