周秀娜撇Avis「真正解決」

周秀娜前晚高調公告與男友陳偉成的「分訊」，強調沒有第三者的她，昨日竟傳出搭上劇集拍檔方力申！惟二人斷然否認，方力申的女友鄧麗欣亦對男友百分百信任！

周秀娜前晚為《第三十五屆十大中文金曲頒獎禮》擔任頒獎嘉賓時，突然在台上宣布與陳偉成（Avis）分手，令全場嘩然。她昨晚接受本報電話訪問時透露，與Avis之間的問題並非一朝一夕，並且經過深思熟慮後才決定分手：「我想喺頒獎禮上交代清楚，今次係真正嘅解決！」並表示公告「分訊」後沒聯絡Avis，問到對Avis還有否感覺？她說：「大家有共識，之後喺唔喺番埋一齊，都唔係呢個時候諗。」

她前晚於後台受訪時透露，與Avis於大前晚透過SMS講分手。問到是否因為Avis花心？她說：「唔關事，大家做呢行，咁多娛樂新聞，睇完得啖笑。但人大咗，去到一個階段，拍拖除咗要開心，都要有相同目標，可能自己步伐行快咗。」她強調沒有第三者，而暴瘦是練功夫所致。

但昨日卻有報道指娜姐與方力申（小方）拍內地劇《唐朝浪漫英雄》時撻着，令小方女友鄧麗欣（Stephy）黯然落淚！娜姐堅稱與小方是「好兄弟」：「如果談情，我同小方都只會喺《唐朝》先談！」

小方：Stephy冇喊

而小方接受本報訪問時亦澄清：「喺微博搵張合照就話我搭上佢，根本係亂作！同埋我好清楚Stephy冇喊！」他更講了兩次「放心」，向女友派定心丸，而身在橫店開工的Stephy同樣對男友百分百信任。至於「被分手」的Avis則繼續潛水，微博冇影兼不接電話，其經理人表示他不會作任何回應。