G.E.M.甄妮同場「睇佢唔到」

鄧紫棋（G.E.M.）被前輩甄妮爆出多年前「目中無人」事件後，兩人於前晚的頒獎禮首度同場，卻齊齊聲稱緣慳一面。但據知兩人曾同時間在後台出現，但就視而不見互當透明。難怪甄妮受訪時被問到G.E.M.早前透過微博向她道歉時，即寸爆說：「哦……佢有道歉咩！」又踢爆兩人當日是並排而行，應該有足夠時間和她打招呼。G.E.M.對此無奈地說：「印象中係冇呢個機會！」

至於當年被甄妮責罵於機艙喧嘩的陳奕迅（Eason），前晚獲對方大讚他做人父親後改變很多，對於甄妮繼續暗寸G.E.M.並充滿火藥味，Eason說：「佢想互動啲啫，我都好多互動o架！」而歌神張學友透露在後台見到G.E.M.：「佢一嚟就同我打招呼，證明甄妮姐姐教導有效。」