林欣彤患情緒病「絕食」

失聲半年的林欣彤在《勁歌》總選「復出」獻唱，事後她自覺聲線仍有點沙啞：「本身唔想嚟，全靠許廷鏗同胡鴻鈞鼓勵。」她透露體重只有八十多磅：「患情緒病，依家慢慢康復中，嗰段時間隔絕咗自己，冇勇氣見人。」她指病與工作無關：「做咗唔愛錫自己嘅事，例如唔食嘢，好彩身邊有人一直愛惜我。」

至於奪得男新人金獎的胡鴻鈞重提頒錯獎事件：「金銀銅都冇所謂，只係一時搞錯。」並指當時腦內一片空白，來不及反應。而金變銅的羅力威則自言不尷尬：「一路都冇諗住有咩金銀銅獎，只希望唔好嚇親唱片公司高層。」至於頒錯獎的原因，據知是得獎名單以銅、銀、金排列，司儀崔建邦誤以為第一項的羅力威是金獎，才擺了大烏龍。