娜姐攬老細：唔捨得咪咁！

周秀娜與男友Avis關係若即若離之際，被《好報》踢爆她向型仔老闆當街送抱！娜姐昨日接受訪問時答得曖昧，坦言因不捨得對方離開才送上「愛的抱抱」！

雖然周秀娜與陳偉成（Avis）拍拖已久，但多次傳出情變，《好報》昨日還踢爆娜姐與內衣品牌La Miu老闆開餐，臨走前更在街頭向對方送「愛的抱抱」！記者昨日致電周秀娜，問到與型仔老闆是甚麼關係？她答得異常曖昧：「我同佢（老闆）已經識咗一段時間，由兩年前做代言人開始，發覺同佢真係好好傾，喺佢身上學到好多做生意同管理嘅心得，喺我心目中真係亦師亦友！」

對於當街送抱斷正？娜姐解釋：「我成日攬人o架啦！戲裏面成日攬人，嗰晚大家又飲又食，傾得好開心，佢又要離開香港喇！好唔捨得，所以咪咁囉！」問到Avis有否因此呷醋，並會否乘機箍緊她？娜姐說：「唔呷得咁多喇！我冇得箍，反而我想畀唐僧個緊箍咒箍緊啲！」這個「唐僧」是否有所指呢？

賺億元上岸：交稅幾甘！

消息又指娜姐希望在30歲前賺夠一億上岸，她坦言曾有此想法：「真係想o架！但唔夠上岸，百物騰貴呀！」對於四年神奇吸金三千萬，她卻指交稅時肉痛非常：「係唔係都好，都唔夠你中兩次六合彩金多寶，但今年交稅都幾甘！」

至於Avis昨日於微博上載扭傷腳的照片，提到男友受傷，娜姐淡淡然說：「扭親呀？希望佢早日康復囉！」