梁烈唯無緣孖發哥拍片

無綫藝人梁烈唯(唯唯)遭黃浩入稟控告誹謗,除了情緒受困,工作亦受影響。據知王晶導演原有意和他簽十部片約,但擔心他會因官司影響工作,故最後只簽了一部,令他損失高達七位數字!

無綫藝人梁烈唯早前遭黃浩入稟控告誹謗,不但令其情緒及家人備受困擾,據知連帶事業亦受到影響。消息指,在新片《古惑仔:江湖新秩序》中表現出色的唯唯,獲導演王晶看中兼打算一口氣和唯唯簽下十部片約,酬勞高達七位數!但有關計劃因最近的官非而暫時擱置。

大讚有潛力

記者昨日致電王晶求證,他坦承原本確有意與唯唯簽十部片約,其中一部更有機會是投資逾億、由周潤發及謝霆鋒主演的大片,但現在要看情況再作決定:「我擔心佢情緒問題未解決,所以暫時擱置十部片約嘅計劃,但我都會逐部逐部片同佢簽。呢件事令唯唯損失真係大,希望盡快解決,到時我會再同佢傾番簽十部戲嘅計劃。」他又大讚唯唯有潛力:「我好睇好佢,佢無論做主角同配角、正經或搞笑都得,好有當年周星馳同張家輝嘅Potential(潛質)!」而唯唯則至截稿前未有回覆。

另外,無綫昨晨十時召開高層會議,據知被指會力撐唯唯的「超級高層」未有列席。會議結束後,無綫外事部副總監曾醒明表示無綫會為唯唯提供律師:「公司會提供律師畀唯唯,等佢可以攞到法律意見,因為藝人係公司重要資產,佢哋有問題公司會義不容辭幫忙。」

專案組

梁烈唯備受官司困擾,更因而痛失片約。

王晶大讚唯唯無論主角或配角都駕馭得到。