杜汶澤將與他的女神周秀娜合作王晶新片《爛滾夫鬥爛滾妻》，為襯得起娜姐，阿澤已成功減去30磅，他說：「第一次同娜姐合作，好期待！（唔怕老婆田蕊妮呷醋？）佢好鍾意同我鍾意嘅女士做朋友，佢已經趁我唔喺香港，約咗娜姐食飯，呢啲就叫先發制人！」而娜姐則於影壇大展拳腳，計劃開公司做老闆娘：「同朋友夾份開嘅。（你踢走《爛賭夫鬥爛賭妻》嘅薛凱琪？）唔好咁講，我唔爛賭，我爛滾！（加埋男友陳偉成去滾啲嘢入戲？）我唔介意阿澤去問佢取經嘅。」
杜汶澤為了襯得起周秀娜，不惜勤做運動減磅。
