現年21歲的組合Super Gear成員Ivy昨日與圈外男友舉行婚宴，碰巧昨日亦有「一生一世」的意思，她指與男友已拍拖三年多：「心情有少少緊張，籌備婚禮已經成年，唔係奉子成婚。（生仔計劃？）暫時未有，但應該會生嘅，依家做好工作先！」Ivy又表示其後會到韓國度蜜月，笑指要先學好廚藝！她又不忘感謝幫忙做姊妹的隊友靜怡及Wing b：「婚禮有好多嘢都係由我哋一手一腳去做，唔想買咁多現成嘢，好似我嘅頭飾同指甲都係自己整！」
Super Gear成員Ivy（右）昨日舉行婚宴，姊妹到場祝賀。
