蒲進拒上藝訓班 亞視再開刀

亞視藝人蒲進昨日成為第五個因拒絕上亞視「演藝訓練課程」而被炒的藝人，他說：「我今日收到通知，叫我返去拎解僱信！（尾糧幾時出？）傾咗會寄畀我，呢樣我唔擔心。（對工作前景樂觀？）呢段時間想先靜一靜，沉澱一下再諗。」

此外，冬至被炒的戚黛黛、張啟樂、車車（張紫櫻）及陳綺雯，昨日返亞視領取尾糧，張啟樂更拖篋收拾細軟，黛黛說：「我哋返嚟攞番應得嘅嘢。（ATV出埋即炒代通知金？）合約內容唔方便講。（被炒對你影響大？）梗係大，冇咗份底薪，好在農曆年前後多商場騷。（筱靖爆底薪只有七千！）我多過佢！」早前稱返亞視取解僱信遭不禮貌對待的陳綺雯說：「可能報紙登咗，佢哋態度好咗。」