陳豪林忠豪左閃右避

林忠豪早前自爆曾與廖碧兒拍拖，前晚他與廖碧兒舊愛陳豪同場出席活動，不過他似乎刻意避開陳豪，二人未有碰面，避過尷尬場面。最近爆出林忠豪與有錢女Carol拍拖，但女方極力否認二人相戀。

前晚陳豪、劉心悠、九巴家族後人雷禮權聯同品牌Hackett London香港及中國市場經銷商、百利建國際有限公司董事總經理陳正欣，主持品牌巨型LED螢幕亮燈儀式，而早前承認曾與廖碧兒拍拖的林忠豪亦有到場。不過他低調入場，未有在傳媒面前出現，似乎想避開廖碧兒的另一舊愛陳豪。事後林忠豪表示只逗留了15分鐘，所以見不到陳豪，但他表示就算二人見面也不會尷尬：「廖碧兒嗰時話冇同陳豪一齊，所以唔算情敵，我唔識陳生。」

3卡鑽戒冧Carol

另外，昨日爆出林忠豪與有錢女Carol拍拖，更出動3卡鑽戒奪芳心，但Carol在Facebook否認與他拍拖。本報記者昨日致電Carol，她說：「我聽到都嬲，我同佢係上年朋友介紹認識，好少單獨出去，我同佢唔係好熟。（佢送3卡鑽戒畀你？）絕對冇咁嘅事，佢有追我，但冇拍拖。」其後記者找林忠豪求證，他堅稱與Carol拍拖，但得悉對方否認後，林忠豪反問記者：「幾時嘅事？佢依家喺我隔籬。」稍後他向身邊人求證，再對記者說：「Carol唔係呢行，今日佢已經好唔開心，佢唔應該面對記者。（但Carol唔認同你拍拖！）佢怕醜。」他再三強調與對方已拍拖一年，更一起過聖誕。至於問到Carol，林忠豪是否在她身邊時，她口快快承認，但其後否認：「吓！唔係，真係有啲無奈。（佢話你怕醜所以唔認拍拖？）我係怕醜，但冇拍拖。（你哋拍拖一年兼一齊過聖誕？）我識佢大約一年，而且我聖誕唔喺香港。」

至於陳豪與女友陳茵媺在家中過聖誕，問到送甚麼給女友時，他笑說：「答應唔講，總之就溫暖，用錢買。（私人物品？）對我嚟講係呀！（有冇互送內衣？女友知唔知你Size？）哈哈，冇呀！」他表示時機到就會結婚，不會未婚生BB，記者叫他不要令女友變高齡產婦，他笑說：「Yes Madam！」