馬浚偉勸師弟 唔撈太浪費

馬浚偉昨日現身工展會，為代言品牌「衍生」宣傳。提到「師弟」林峯傳因失落視帝意興闌珊，計劃退出娛圈接手家族生意，馬浚偉對此說：「其實佢好有潛質、好啱做呢行，總之唔好心灰，獎項係其次，唔好嘥咗自己！（佢話要幫阿爸做生意？）咁可以請人幫手，一邊拍嘢一邊學做生意嘅啫！」

至於外傳鄭嘉穎不想剃頭而推卻一部古裝劇，無綫轉向馬浚偉埋首，他說：「無綫係有接觸我，但絕對唔係嗰套劇，如無意外農曆年後會有工作方面嘅決定。（小生唔肯剃頭？）呢樣可以理解，因為剃頭至少有6、7個月接唔到其他工作！」