Sing悼婆婆 歌與淚交融

柏豪的婆婆於今年7月去世，一直愛錫婆婆的他於個唱上播放與婆婆的合照，並嗚咽地說：「7月喺台灣知道婆婆嘅情況，想快啲飛返香港，於是我求航空公司職員畀一個機位我，一邊求一邊喊，不過因為我驚畀人認得，所以一直戴住太陽眼鏡，可惜最後都上唔到機！」他憶述返港後即時到婆婆屋企：「我落車時有隻蝴蝶圍住我飛，嗰刻令我感到釋懷同放鬆，知道婆婆永遠都唔使揸拐杖同坐輪椅！我永遠記住你！」說畢即獻唱《無力挽回》，開始唱時「聲都震埋」，更唱到用手抹眼淚，在場的柏豪父母亦看得十分感動。